La legenda dal «Crap dal predichant»
Die Legende vom «Stein des Predigers»
Da temps remots, cur cha la vschinauncha da Bever as rechattaiva auncha aint in val, d’eira la vita bger pü simpla. La glieud vivaiva dal graun s-chars, da la pas-cha e da la chatscha. Da quel temp as giaiva a chatscha cur cha la chamineda d’eira vöda ed a gniva schluppetto per l’egen adöver. L’ün u l’oter tgnaiva ün pêr bes-chas e qualche chevras per avair lat e chaschöl.
Ün di da sted cha regnaiva grand travasch cul fer cun fain es rivo ün ester in pajais. Ün hom fich singuler, sdratschlieu cun s-charpas üsedas ed üna chavlüra sbarüffeda. El ho dalum do maun a la lavur e güdaiva da cò e da lo sainza grands pleds. Ils abitants d’eiran cuntaints dad avair ün agüd gratuit. La saira svaniva’l ed üngün nu’s dumandaiva inua, basta cha’l di zieva staiva’l darcho a dispusiziun. D’utuon cur cha las prümas dschietas haun müdo la cuntredgia es l’ester resto sparieu. Düraunt las sairas da tramegl as dumandaivan ils homens e las duonnas chi mê cha quist tip pudess esser sto.
Püssas steds a l’inlungia es rivo l’hom singuler ed ho güdo sainza fer pretaisas e cumedgias. La populaziun s’ho adüseda vi da quist fenomen ed ho accepto a l’ester scu üna chosa cha s’inclegia da se stess. Grazcha a quist hom s’ho pudieu amegldrer las vias e sgürer ils stabilimaints, refer ils mürs da protecziun da l’ova ed auncha oters indrizs d’importanza.
Ün utuon cha las dschietas haun cumanzo bger pü bod cu’l solit es l’hom gnieu amalo. Cun ota feivra giaschaiva’l suot ün bös-ch e tuot as faiva pissers per el. Ils iffaunts sun ieus süls ots a tschercher ervinas chi’s rechattaivan bain protettas suot ils craps e nu d’eiran tres que auncha spassidas. Cun quistas ervas haune fat tè pel pover amalo. E baincumel, el s’ho remiss e giavüscho als iffaunts da pudair passanter l’inviern in vschinauncha. Zieva avair batlagio e batlagio sun set famiglias stedas prontas da der allogi a l’ester, minchüna düraunt ün gir da la glüna. Que es alura dvanto il pü bel inviern cha’ls iffaunts da Bever haun passanto. L’ester d’eira uschè grat, ch’el s’ho tuotta di dedicho ad els. Ad haun imprais gös nouvs ed interessants, el ho musso a sglischer sül glatsch dal Beverin ed adüna a mezdi è’l saglieu sün quel bel crappun a l’ur dal god cun fuorma da baunch ed ho quinto da sias aventüras in pajais lontauns. Pels iffaunts d’eiran que bellischems mumaints. Las istorgias d’eiran interessantas, allegras e plain tensiun.
Cun que cha l’ester d’eira propi ün umaun singuler è’l ün bel di svanieu per dal bun. Ils iffaunts d’eiran trists. Melgrô tuot il versagiamaint s’haun els reunieus ün di da bell’ora intuorn il crap da l’ester. Cò es capito il miracul. Els haun udieu las istorgias da l’ester sainza savair d’inuonder cha la vusch gniva. E las istorgias als paraivan auncha bger pü bellas ed
interessantas. Adüna darcho as vzaiva als iffaunts da Bever intuorn il crap tadland cun attenziun la vusch prüveda.
Pü tard, cur cha’ls iffaunts d’eiran creschieus e vaivan per part egnas famiglias, haune decis da fabricher lur chesas pü stabilas ourasom la val, inua cha Bever es aunch’hoz. Ma üna vouta al mais turnaivane tal crap da l’ester a tadler las istorgias müravgliusas. Quista tradiziun haune do inavaunt a lur iffaunts e quels darcho a lur iffaunts.
Il temp es dvanto adüna pü modern e la vita es dvanteda pü pretensiusa. A nu permettaiva pü dad ir mincha mais tal crap da l’ester a tadler istorgias. Pü tard alura haune festagio Nadel tal crap, ma a nu d’eiran pü capabels d’udir la vusch sonora. Lur penser e resentir d’eira memma lontaun da quels da l’hom ester. Uschè ho il predichant cumanzo ad annunzcher la nouva da Nadel sül crap. Cul temp es gnieu numno quist crap misterius «Il Crap dal predichant».
Zieva la fabrica da la viafier e dal nouv stradun vers Spinas s’ho schmancho il crap e sia istorgia. Ad es resto be pü il nom.
Chi chi ho temp da rester ün mumaint tschanto sül «Crap dal predichant», oda forsa aunch’hoz la vusch müravgliusa da l’hom ester.
Pol Clo Nicolay, 2002 (La legenda dal «Crap dal Predichant» es publichada aint illa giazettina «Las Agnas» (Nr. 12 da la 7evla anneda) dal december 2002)
Die Legende vom «Stein des Predigers»
In fernen Zeiten, als die Gemeinde Bever noch im Tal lag, war das Leben viel einfacher. Die Leute lebten vom knappen Getreide, vom Fischfang und von der Jagd. Zu dieser Zeit ging man auf die Jagd, wenn die Vorratskammer leer war, und es wurde für den Eigengebrauch geschossen. Der eine oder andere hielt ein paar Tiere und einige Ziegen, um Milch und Käse zu haben.
An einem Sommertag, an dem grosse Geschäftigkeit mit dem Heuen herrschte, kam ein Fremder ins Land. Ein sehr eigenartiger Mann, zerfetzt mit abgenutzten Schuhen und zerzaustem Haar. Er machte sich sofort an die Arbeit und half hier und da ohne grosse Worte. Die Bewohnerinnen und Bewohner waren froh, kostenlose Hilfe zu haben. Am Abend verschwand er und niemand fragte, wohin; es genügte zu wissen, dass er am nächsten Tag wieder zur Verfügung stand. Im Herbst, als die ersten Fröste die Gegend veränderten, verschwand der Fremde. Während der Abendessen fragten sich die Männer und Frauen, wer dieser Typ wohl gewesen sein könnte. Mehrere Sommer nacheinander ist der einsame Mann gekommen und hat geholfen, ohne Ansprüche anzumelden und Theater zu machen. Die Bevölkerung hat sich an dieses Phänomen gewöhnt und den Fremden als Selbstverständlichkeit akzeptiert. Dank dieses Mannes konnten die Strassen verbessert und die Gebäude gesichert, die Schutzmauern des Flusses und weitere wichtige Einrichtungen saniert werden.
In einem Herbst, als der Frost viel früher als üblich einsetzte, wurde der Mann krank. Mit hohem Fieber lag er unter einem Baum und alle machten sich Sorgen um ihn. Die Kinder gingen in die Höhe, um Kräuter zu suchen, die unter den Steinen gut geschützt und dadurch noch nicht verwelkt waren. Mit diesen Kräutern haben sie Tee für den armen Kranken gemacht. Und tatsächlich hat er sich erholt und sich von den Kindern gewünscht, den Winter im Dorf verbringen zu dürfen. Nachdem er gebettelt und gebettelt hat, waren sieben Familien bereit, dem Fremden Unterkunft zu gewähren, jede während einer Mondfahrt.
Es wurde der schönste Winter, den die Kinder von Bever je verbracht hatten. Der Fremde war so dankbar, dass er sich den ganzen Tag ihnen widmete. Sie haben neue und interessante Spiele kennengelernt, er hat gezeigt, wie man auf dem Eis des Beverins gleitet, und immer mittags ist er auf diesen schönen Felsen am Rande des Waldes gesprungen, welcher die Form wie eine Bank hat, um von seinen Abenteuern in fernen Ländern zu erzählen. Für die Kinder waren das wunderschöne Momente. Die Geschichten waren interessant, fröhlich und voller Spannung.
Da der Fremde wirklich ein einzigartiger Mensch war, verschwand er irgendwann endgültig. Die Kinder waren traurig. Trotz all der Verzweiflung versammelten sie sich eines schönen Tages um den Stein des Fremden. Da ist das Wunder geschehen: Sie hörten die Geschichten des Fremden, ohne zu wissen, woher die Stimme kam. Und die Geschichten schienen ihnen noch viel schöner und interessanter. Immer wieder sah man die Kinder von Bever um den Stein herum, die aufmerksam der traulichen Stimme lauschten. Später, als die Kinder von Bever erwachsen waren und teilweise eigene Familien hatten, beschlossen sie, ihre stabileren Häuser oberhalb des Tals zu bauen, wo Bever auch heute noch steht. Aber einmal im Monat kehrten sie zum Stein des Fremden zurück, um die wundersamen Geschichten zu hören.
Diese Tradition haben sie über mehrere Generationen weitergegeben. Die Zeit ist immer moderner und das Leben anspruchsvoller geworden. Es erlaubte nicht mehr, jeden Monat zum Stein des Fremden zu gehen, um Geschichten zu hören. Später feierten sie Weihnachten am Stein, aber sie waren nicht mehr in der Lage, die sonore Stimme zu hören. Ihr Denken und Fühlen war zu weit entfernt von dem des fremden Mannes. So begann der Prediger, die Weihnachtsbotschaft auf dem Stein zu verkünden.
Mit der Zeit wurde dieser mysteriöse Stein «Der Stein des Predigers» genannt. Nach dem Bau der Eisenbahn und der neuen Strasse in Richtung Spinas hat man den Stein und seine Geschichte vergessen. Es ist nur noch der Name geblieben. Wer Zeit hat, einen Moment auf dem Stein des Predigers zu sitzen, hört vielleicht noch heute die wundersame Stimme des fremden Mannes.
Pol Clo Nicolay, 2002